Ալեքսանդրիա-Կահիրե թռիչքն իրականացնող EgyptAir ավիաընկերությանը պատկանող ինքնաթիռներից մեկը, թռիչքի պահին, հայտնվել է անհայտ անձի կամ անձանց հսկողության ներքո։ Այս մասին տեղեկացնում է Reuters լրատվական գործակալությունը։
Ինքնաթիռի հանդեպ վերահսկողություն իրականացնողները ստիպել են վայրէջք կատարել Կիպրոսի մայրաքաղաք Լառնակայի օդանավակայանում։ Ինքնաթիռը, Կիպրոսի ժամանակով 08:50 բարեհաջող վայրէջք է կատարել և արդեն սկսվել են բանակցությունները ինքնաթիռը վերադարձնելու ուղղությամբ։
Ավելի ուշ լրատվամիջոցները հաղորդեցին, որ ինքնաթիռը զավթել է մեկ հոգի և նա զինված է, ինչպես նաև հնարավոր է, որ ինքնաթիռում ռումբ տեղադրված լինի։ Տեղի ոստիկանությունը դեռևս չի ներկայացրել որևէ պարզաբանում։
Տեղեկացնենք, որ ինքնաթիռում գտնվում է 55 մարդ, որոնցից 7-ը ինքնաթիռի անձնակազմի անդամներ են։ Ավելի վաղ նշվում էր, որ ինքնաթիռում կա 80-81 հոգի։
