«Նոր Սահմանադրությունը գրելու գործընթացը, որն իր մեջ ներառում է անցում խորհրդարանական համակարգից նախագահականի, կարագացվի՝ բավարարելու համար թուրք ժողովրդի ակնկալիքները»,- խոստացել է Թուրքիայի վարչապետ Ահմեթ Դավութօղլուն: Այս մասին հայտնում է Hurriyet-ը:
Նշելով, որ ճանապարհային քարտեզն արդեն պատրաստ է, Դավութօղլուն ասել է, որ սահմանադրական հանձնաժողովը կազմվել է իշխող «Արդարություն եւ զարգացում» կուսակցության ներսում:
«Այսօր մենք հանձնաժողովի անդամների հետ երկար եւ մանրակրկիտ աշխատանք ենք իրականացրել Դոլմաբահչե գրասենյակում»,- ասել է Թուրքիայի վարչապետը մարտի 26-ին Ստամբուլում կայացած Արտաքին տնտեսական կապերի խորհրդի Աշխարհի թուրք գործարարները ժողովի ընթացքում:
«Հաջորդ շաբաթվանից մեր հանձնաժողովը կսկսի գրել (նոր Սահմանադրությունը): Մենք ծրագրում ենք ավարտել հաջորդ ամսում: Այս գործընթացի ընթացքում մենք բաց ենք բիզնես աշխարհից յուրաքանչյուր առաջարկի համար»,- ավելացրել է նա: Դավութօղլուն կրկին նշել է, որ նոր Սահմանադրությունը կներառի անցում նախագահական համակարգի:
Կարդացեք նաև
«Մենք մտադիր ենք կատարել բոլոր քայլերը ժողովրդական եւ ազատական սահմանադրություն ունենալու համար, որը կորդեգրի նախագահական համակարգը»,- ասել է նա:
12 պատգամավորներից կազմված «Սահմանադրության համաձայնեցման հանձնաժողովի» (Թուրքիայի խորհրդարանական չորս կուսակցություններից 3-ական պատգամավորներ), առաջին հանդիպումը տեղի է ունեցել փետրվարի 3-ին: Բայց այնուամենայնիվ, հանձնաժողովը փետրվարի 17-ին դադարեցրեց իր գործունեությունը՝ «Արդարություն եւ ազատություն» կուսակցության պահանջով, որ նոր կանոնադրությունը պետք է հիմնված լինի նախագահական համակարգի վրա:
Ամի ՉԻՉԱԿՅԱՆ
