«Բնականաբար, մենք որոշ տեղեկություններ ունենք, հիմնականում լրատվամիջոցներում են հնչեցվել: Բայց ինչի՞ համար ենք մենք հիմա այս օրենքի փոփոխությունն առաջարկում: Որպեսզի մեկ անգամ եւ մեկընդմիշտ կարողանանք ֆիքսել բոլոր հնարավորությունները, հաշվառում իրականացնել եւ բոլորին բերել դաշտ: Էական առանձին մոտեցումներ, առանձին մարդկանց մասով, մենք չենք իրականացնելու: Օրենքի առաջ բոլորը լինելու են հավասար, օրենքը գործելու է բոլորի համար»,- լրագրողների հետ զրույցում ասաց ՀՀ բնապահպանության նախարար Արամայիս Գրիգորյանը`պատասխանելով հարցին`տեղյա՞կ է, որ տարբեր պաշտոնյաներ, հարուստներ, կենդանիներ են պահում. օրինակ, Տավուշի մարզպետն է արջ պահում, Գագիկ Ծառուկյանն`առյուծներ եւ այլն:
Հիշեցնենք, ՀՀ Ազգային ժողովի գյուղատնտեսական եւ բնապահպանական հարցերի մշտական հանձնաժողովն էլ այսօր խորհրդարանական լսումներ էր կազմակերպել` «Անազատ եւ կիսաազատ պայմաններում վայրի կենդանիներին պահելու օրենսդրական կարգավորումը և առկա թերությունները» թեմայով: Խնդիրը հասունացավ`Գյումրու մասնավոր գազանանոցի դեպքից հետո:
Նելլի ԳՐԻԳՈՐՅԱՆ
Կարդացեք նաև
