«Եթե որեւէ քաղաքական ուժ ունի լուրջ քաղաքական ամբիցիաներ, նախեւառաջ պետք է ունենա տարածքային հզոր կառույցներ, վստահված անձինք, հանձնաժողովի անդամներ: Նախ պետք է ՏԻՄ ընտրություններին մասնակցի»,- «Առավոտի» հետ զրույցում կարծիք հայտնեց ՀՀ ԱԺ փոխխոսնակ Էդուարդ Շարմազանովը՝ անդրադառնալով ԸՕ նախագծով առաջարկվող ռեյտինգային քվեարկությանը: «Հալվա ասելով բերան չի քաղցրանում:
Եթե ուզում են իրենց բերանը քաղցրանա` պիտի գործ անեն»,- դիմելով ընդդիմադիրներին՝ ասաց մեր զրուցակիցը: «Լեւոն Զուրաբյանն ասաց՝ 20 դոլարով ընկերս ապահովում է տեղամասերում տեսախցիկների տրամադրումը, Դավիթ Հարությունյանն էլ ասաց` էս 40 հազար դոլարը, գնացեք ապահովեք: Դրանից ավելի ի՞նչ անենք: Դեռ ձայն չկա. չգիտենք` կապահովե՞ն, թե՞ ոչ»,- տարակուսեց մեր զրուցակիցը` հավելելով, որ արմատական ընդդիմադիրները պետք է իրարից տարբերակեն «կոնսենսուս, կոնսոլիդացիա եւ ուլտիմատում» բառերը:
Կարդացեք «Առավոտ»-ի այսօրվա համարում
Կարդացեք նաև
«Առավոտ» օրաթերթ
25.03.2016
