8 ամիս առաջ վարչապետ Հովիկ Աբրահամյանը ՏՄՊՊՀ-ին, էկոնոմիկայի նախարարությանն ու Քաղաքացիական ավիացիայի գլխավոր վարչությանն առաջարկեց ամենայն մանրամասնությամբ ուսումնասիրել Հայաստանի ավիափոխադրումների շուկան՝ գների, ուղղությունների, թռիչքների ժամկետների եւ պայմանների ուղղությամբ։
Վարչապետը դժգոհեց, որ չվերթները հիմնականում գիշերային ժամերին են։ Հետո եղան խորհրդակցություններ, բայց վարչապետը հաջորդ նիստերին այդպես էլ չանդրադարձավ իր հանձնարարականին, ինչպես որ անում է կառավարության նիստերին, հրապարակային չմեկնաբանեց, թե իր հանձնարարականը որքանով է կատարվել, ու ինչ արդյունք է գրանցվել։ Գնանք վարչապետի հանձնարարականների հետքերով եւ տեսնենք, թե ինչ վիճակ ունենք։ Նշված կառույցներն ուսումնասիրություններ, այնուամենայնիվ, արել են։
ՏՄՊՊՀ-ի եւ էկոնոմիկայի նախարարության՝ ավիաընկերությունների հետ հանդիպման արդյունքում պարզվել է, որ ժամային գրաֆիկը հնարավոր չէ փոխել։ Գիշերային ժամերին թռիչքների իրականացումը պայմանավորված է տարանցիկ չվերթներով։ Մեր քաղաքացիները գնում են եվրոպական որեւէ երկիր, այնտեղից՝ մեկ այլ երկիր կամ քաղաք, իսկ քանի որ Եվրոպայում թռիչքները հիմնականում ցերեկն են, ավելի հարմար է, որ առավոտվա կամ ցերեկային ժամի հասնեն մյուս թռիչքին։
Ավիաընկերություններն ունեն տարիներ ի վեր ձեւավորված ցանց, որը Հայաստանի համար չեն փոխելու։ Եթե պահանջեն, ավելի հնարավոր է, որ ավիաընկերություններ կորցնենք, քան թե՝ որ գան ցերեկային թռիչքի։ Փաստորեն, ամեն ինչ կմնա նույնը, որը հարմար է մեկնողների, անհարմար՝ ժամանողների համար։
Կարդացեք նաև
Սեւակ ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
