Մարտի 22-ին «Իրազեկ քաղաքացիների միավորման» տարածած Ընտրական օրենսգրքի 5 հիմնական միասնական պահանջների մասին հայտարարությանը վերջի երկու օրում միացել են ևս շուրջ 20 կազմակերպություններ և ի լրումն դրան աջակցող 8 կուսակցությունների, ևս 3 կուսակցություն սատարել են այդ 5 պահանջները:
Մասնավորապես, խոսքը գնում է «Քաղաքացիական Պայմանագիր», «Ալյանս» և «Առաքելություն» կուսակցությունների մասին:
Հիշեցնենք, որ նշված ՀԿ-ները համարում են, որ ընտրական գործընթացի որակական փոփոխություն կարող է լինել միմիայն այն դեպքում, եթե օրենսգրքում ներառվեն (փոփոխվեն) հետևյալ կարևորագույն մեխանիզմները (բոլոր 5-ը)՝
Կարդացեք նաև
- Ընտրողների կողմից ստորագրված և լրացված ցուցակների հրապարակում։
- Ընտրողների ցուցակների մաքրում՝ հարևան Վրաստանում կատարված մոդելով: Մասնավորապես, պետք է պարզվեն հանրապետությունում չգտնվող քաղաքացիները և ընտրողների ցուցակների մեջ այդ անձանց անվան դիմաց լինի առանձին նշում՝ հանրապետությունից բացակայելու մասին:
- Ազգային ժողովի ընտրությունների անցկացում համամասնական ընտրակարգով՝ համապետական պարզ (փակ) համամասնական ընտրացուցակներով, բացառելով տարածքային ու վարկանիշային ցուցակների կիրառումը։
- Ընտրական տեղամասերում քվեարկության և քվեարկության արդյունքների ամփոփման ողջ գործընթացի տեսանկարահանում առնվազն 5 որակյալ տեսախցիկներով՝ որպես պետության պարտականություն: Տեսախցիկների տեսադաշտում կլինեն քվեատուփը, ընտրողների գրանցման և քվեաթերթիկների հատկացման գործընթացը, տեղամասային կենտրոնն ու դրա մուտքը:
- Ընտրողներին մատնահետքերով նույնականացման համակարգի կիրառում կամ մատների թանաքոտման (այդ թվում՝ անզեն աչքով չերևացող թանաքով) կարգի ներդրում։
Այսպիսով, այս պահանջին միացել են հետևյալ կազմակերպությունները՝
- «Իրազեկ Քաղաքացիների Միավորում» ՀԿ
- Ժուռնալիստների «Ասպարեզ» ակումբ
- «Թրանսփարենսի Ինթերնեշնլ» հակակոռուպցիոն կենտրոն
- Հելսինկյան քաղաքացիական ասամբլեայի Վանաձորի գրասենյակ
- «Ընդդեմ Իրավական Կամայականության» ՀԿ
- «Իրավունքի Եվրոպա» միավորում ԻՀԿ
- «Էլեկտրիկ Երևան» ՀԿ
- Ժողովրդավարության Ազգային Պլատֆորմ
- Երևանի Մամուլի Ակումբ
- «Իրավունքների պաշտպանություն առանց սահմանների» ՀԿ
- Միջազգային և անվտանգության հարցերի հայկական ինստիտուտ
- «Խաղաղության երկխոսություն» ՀԿ
- Խոսքի ազատության պաշտպանության կոմիտե
- «Երիտասարդություն հանուն ժողովրդավարության» ՀԿ
- «Հանուն հավասար իրավունքների» ՀԿ
- «Ներուժ» կրթամշակութային ՀԿ
- «Քաղաքակրթությունների երկխոսություն» ՀԿ
- «ԽորանԱրդ» ինտելեկտուալ կենտրոն ՀԿ
- Կանանց աջակցման կենտրոն
- «Հայ կին» աջակցություն ժողովրդավարությանը ՀԿ
- Քաղաքացիական հասարակական կենտրոն ՀԿ
- Հելսինկյան քաղաքացիական ասամբլեայի հայկական կոմիտե
- «Ժողովրդավարություն և ազատականություն» ՀԿ
- «Վերնատուն» ՀԿ
- «ՀՀՇ» ՀԿ
- «Հասարակական պաշտպանների միություն» ԻԱՄ
Իսկ պահանջին աջակցության մասին հայտնել են հետևյալ կուսակցությունները՝
- «Հայ Ազգային Կոնգրես» կուսակցություն,
- «Հայկական Վերածնունդ» կուսակցություն,
- «Ժառանգություն» կուսակցություն,
- «Ազատ Դեմոկրատներ» կուսակցություն,
- «Ազատություն» կուսակցություն,
- «Հայաստանի Ժողովրդական» կուսակցություն,
- «Հայոց Համազգային Շարժում» կուսակցություն,
- «Լուսավոր Հայաստան» կուսակցություն (վերապահումով՝ մատների թանաքոտման հետ),
- Քաղաքացիական Պայմանագիր կուսակցություն (3-րդ և 5-րդ կետերի հետ լրացուցիչ հավելյալ մեկնաբանություններով),
- «Ալյանս» առաջադիմական ցենտրիստական կուսակցություն,
- «Առաքելություն» կուսակցություն
Պահանջների հիմնավորումները կգտնեք այստեղ:
«Իրազեկ քաղաքացիների միավորում»
