Ինչպես տեղեկացրել էինք, այսօր կառավարության շենքի մոտ Կոնդի՝ իրացման գոտու բնակիչները բողոքի ակցիա էին անում. նրանք պահանջում էին ՀՀ վարչապետի հետ հանդիպում: Կոնդեցիներն այսօր փորձեցին փակել Տիգրան Մեծ փողոցը, սակայն ոստիկանները կանխեցին նրանց մտադրությունը:
Վարչապետն այդպես էլ չընդունեց կոնդեցիներին, որոնք հեռացան կառավարության շենքի մոտից, սակայն վստահեցրին, որ չեն դադարեցնելու բողոքի ակցիաները, դիմելու են ծայրահեղ քայլերի:
Հիշեցնենք, որ տարիներ առաջ Կոնդի բնակչների հետ պայմանագիր է կնքվել, որպես հանրային գերական շահ իրացվել են նրանց տները. 214 ընտանիքի, ըստ կառուցապատողի հետ կնքած պայմանագրի, տները քանդելուց 2 տարի հետո կառուցապատողը պետք է տեղում կառուցվող շենքերում բնակարաններ հատկացներ: Արդեն 8 տարի է, ինչպես բնակիչներն են ասում՝ ո՛չ կառուցապատողը կա, ո՛չ իրենց բնակարանները:
Կոնդեցիների պատմելով՝ վարչապետի խորհրդական Հայկ Դավթյանն իրենց հետ հանդիպումների ժամանակ ասել է. «Փող չկա, մենք պատասխանատու չենք: Խելացի լինեիք՝ գումարը վերցնեիք, բնակարանային պայմանագիր չկնքեիք: Դատարան էլ դիմեք, մենք պատասխանատու չենք»:
Կարդացեք նաև
Նելլի ԲԱԲԱՅԱՆ
