Սույն թվականի փետրվարի 29-ին ՀՀ ԱԺ պատգամավոր Զարուհի Փոստանջյանը հարցում էր ուղարկել ՀՀ վարչապետ Հովիկ Աբրահամյանին, պարզելու՝ թե ինչու՞ Հայաստանը չի ստորագրում «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին» Եվրոպայի խորհրդի կոնվենցիան (Ստամբուլի կոնվենցիա) (այսուհետ` Կոնվենցիա), քննարկումների ի՞նչ փուլում է գտնվում Կոնվենցիային միանալու հարցը, ի՞նչ խոչընդոտներ են առկա Կոնվենցիան ստորագրելու և վավերացնելու համար և ե՞րբ է նախատեսվում Կոնվենցիայի ստորագրումը և վավերացումը:
Ի պատասխան Զ. Փոստանջյանի հարցման՝ ՀՀ արտաքին գործերի նախարարությունից հայտնում են, որ Հայաստանի Հանրապետությունը մոտ ժամանակներում կնախաձեռնի փաստաթղթի ստորագրումը:
Հիմք ընդունելով վերոգրյալը՝ կոչ ենք անում քաղաքացիական հասարակությանը, մտահոգ քաղաքացիներին, ովքեր պայքարում են բռնության կանխարգելման համար` միավորել ուժերը հիշյալ հարցի շուրջ, ցուցաբերել ակտիվություն և ուշադրություն՝ Կոնվեցիան շուտափույթ ստորագրելու համար:
ՀՀ ԱԺ «Ժառանգություն» խմբակցության լրատվական ծառայություն
