«Այդ առաջարկը բերեց նրան, որ մեկը մյուսին ձեռք է առնում, մեկը մյուսին մեղադրում է, ի՞նչ միավորման մասին է խոսքը»,- մարտի 24-ին «Անալիտիկ» մամուլի ակումբում անդրադառնալով ՀԱԿ-ի առաջարկած «4+4+4» ձեւաչափին, ասաց քաղտեխնոլոգ Կարեն Քոչարյանը: Նա համարում է, որ միավորում չի կարող լինել, քանի որ երբ ՀԱԿ-ը առաջարկում է, քաղաքացիական հասարակությունը իր մամուլով հայտարարություններ է տարածում, որ ծախված են, Հովիկ Աբրահամյանն է «ոչ»-ի շտաբը ֆինանսավորել. «Ընդհակառակը, դա ավելի մեծ խնդիրների կարող է բերել:
Իհարկե, ինչպես ես հասկացա, այնտեղ կար Ժիրայրը Սեֆիլյան, որը առաջարկել է ճանապարհային քարտեզ, որը ՀԱԿ-ի հետ արդեն պետք է քննարկել, քանի որ «Նոր Հայաստանը», իրենք ապացուցեցին, ես չեմ ասում, որ շատ անլուրջ կառույց է, այսինքն՝ իրենք քաղաքական որեւէ կոմպոնենտ չեն կրում: Որեւիցե անգամ «Ժառանգությունը», որը, թվում էր, թե քաղաքական ինչ-որ ճանապարհ է անցել, գոնե «Ժառանգությունը» պետք է փորձեր այդ քաղաքական կոմպոնենտը ներմուծել այդ կառույց, որովհետեւ մնացածը՝ փաստացի այնտեղ միայն Ժիրայրն է Սեֆիլյան, որ իմ կողմից շատ հարգված անձնավորություն է, ազատամարտիկ է, բայց քաղաքական դաշտում, ինչպես եւ մնացած բոլոր փաստացի ազատամարտիկները կամ կռված տղերքը, որեւիցե անելիք չունեն:
Մնացածն էլ ինչ-որ հասարակական կառույցներ են. մի բան է նստել Մաշտոցի պուրակում, մյուս բան է՝ խաղալ քաղաքական խաղեր»:
Ամի ՉԻՉԱԿՅԱՆ
