Իսրայելի վարչապետ Բենիամին Նաթանյահուն, Երուսաղեմում կայացած մամուլի ասուլիսի ընթացքում, նշել է, որ առաջիկայում Իսրայելի և Թուրքիայի միջև սպասվում են նոր բանակցություններ և հույս է հայտնել, որ այդ բանակցությունները դրական ազդեցություն կունենան երկու երկրների հարաբերությունների վրա։ Այս մասին տեղեկացնում է թուրքական «Անադոլու» լրատվական գործակալությունը։
Այս կապակցությամբ մամուլի հաղորդագրություն է տարածել նաև Իսրայելի կառավարության մամուլի ծառայությունը, որի մեջ մասնավորապես ասվում է. «Մենք մշտապես ցանկացել ենք կարգավորել Թուրքիայի հետ մեր հարաբերությունները և մենք չենք, որ ձախողել ենք այդ հարաբերությունների ընթացքը։ Հնարավորության դեպքում ցանկանում ենք կարգավորել մեր հարաբերությունները։ Բանակցությունները շարունակվում են և առաջընթաց է գրանցվում։ Առաջիկայում կլինի ևս մեկ հանդիպում և հույս ունենք, որ այդ հանդիպման արդյունքները կնպաստեն երկու երկրների միջև հարաբերությունների վերջնական կարգավորմանը»։
Մենք այդ մէկը վաղուց գիտենք -ձեր ինչ հոգը հայոց ցեղասպանութիւնը .