Միլիարդատերերի ցուցակում գործարար, «Տաշիր Գրուպ» հոլդինգի ղեկավար, Հայաստանի ըմբշամարտի ֆեդերացիայի նախագահ Սամվել Կարապետյանը $ 3,1 միլիարդ կարողությունով զբաղեցնում է վարկանիշային ցուցակի 549-րդ հորիզոնականը: Նրան պատկանող հոլդինգը Ռուսաստանի ամբողջ տարածքում միավորում է առեւտրի 33 կենտրոն, օֆիսային 4 համալիր եւ 8 հյուրանոց եւ այլն:
Երկրորդ ամենահարուստ հայը 810-րդ տեղն զբաղեցնող Էդուարդո Էռնեկյանն է՝ $ 2,2 միլիարդ: Այժմ Էռնեկյանն ու գործընկերները աշխարհի տարբեր երկրներում ավելի քան 50 օդանավակայան ունեն: Նրան պատկանող «Corporacion America» հոլդինգը ներառում է շուրջ 105 հազար հա գյուղատնտեսական հողատարածք, կրիչների արտադրության «Unitec Blue» եւ բիովառելիքի գործարանները, ինչպես նաեւ գյուղատնտեսական հողատարածքներ ու գինու գործարան Հայաստանում: Էռնեկյանը խոշոր ներդրումներ է կատարում նաեւ Արգենտինայում:
Կարդացեք նաև
Ամենահարուստ հայ միլիարդատերերի եռյակը եզրափակում է Ռուսաստանում ամենախոշոր ապահովագրական ընկերության՝ «Ռոսգոսստրախի», սեփականատեր Դանիիլ Խաչատուրովը: Նրա կարողությունը գնահատվել է $ 1,46 միլիարդ: Այս ցուցանիշով նա աշխարհի 1275-րդ միլիարդատերն է:
Աշոտ ՀԱԿՈԲՅԱՆ
