«Ես վստահ եմ, որ մենք կունենանք լավ փաստաթուղթ, որովհետև այդ փաստաթղթում ոչինչ չկա, որը կբարդացնի Հայաստանի կյանքը Եվրասիական տնտեսական միության կազմում»: Սրանք Հայաստանում Եվրամիության դեսպան Պյոտր Սվիտալսկու խոսքերն են, որ նա ասել է «Ազատություն» ռադիոկայանին՝ կապված Հայաստան-Եվրամիություն նոր փաստաթղթի հետ: Ըստ Սվիտալսկու՝ այդ փաստաթղթի կապակցությամբ չի կրկնվի այն, ինչ եղավ 2013 թվականի սեպտեմբերի 3-ին:
Սա, իհարկե, ոգևորիչ է, որ Հայաստանը չի կանգնի երկրորդ սեպտեմբերի 3-ի առաջ: Սակայն, միևնույն ժամանակ, երկու հանգամանք առաջ են բերում էական հարցեր: Նախ՝ ինչո՞ւ է Հայաստանի ու Եվրամիության միջև նոր փաստաթղթի շուրջ բովանդակությունը ծածուկ մնում, մնում հասարակության աչքից հեռու, ինչպես Ասոցացման համաձայնագրի շուրջ բանակցությունների ընթացքում էր: Առավել ևս, եթե այդ փաստաթղթում չկան այնպիսի դրույթներ, որոնք կարող են վտանգներ առաջացնել հետագա ընթացքի համար:
Երկրորդ՝ եթե չկան նման դրույթներ, արդյո՞ք մենք կարող ենք խոսել առավելապես հռչակագրային, գործնականությունից զգալիորեն հեռու մի փաստաթղթի մասին, որն իրականում ոչ թե Հայաստան-ԵՄ հարաբերությունների փաստաթուղթ է, այլ հարաբերությունների մասին հուշագիր, որտեղ կամփոփվեն Հայաստանի ու Եվրամիության հարաբերությունների վերաբերյալ բարի ցանկություններ:
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
