ԵԱՀԿ-ում Ամերիկայի Միացյալ նահանգների մշտական ներկայացուցիչ Դանիել Բայերն այսօր «Twitter»-ում եւ «Facebook»-ում օգտատերերի հարցերին պատասխանելու ընթացքում զարմանք հայտնեց, որ Ուկրաինան թույլ է տվել ԵԱՀԿ-ի ռուս դիտորդներին մուտք գործել Ղրիմ եւ Դոնբաս։
«Հաշվի առնելով Ռուսաստանի Դաշնության ներխուժումը Ղրիմ, զարմանալի է, որ Ուկրաինան թույլ է տալիս ռուսներին ծառայել մյուս դիտորդների հետ հավասար»,- հայտարարել է Բայերը։
«BBC»-ի ռուսական ծառայությունը հետաքրքրվել է, թե ինչ քայլերի են պատրաստ ԵԱՀԿ-ն ու ԱՄՆ-ն, որպեսզի Ռուսաստանն ազատ արձակի ուկրաինացի զինծառայող Նադեժդա Սավչենկոյին, որին Դոնեցկի ռոստովյան դատարանը մեղավոր էր ճանաչել երկու լրագրողների սպանության եւ Ռուսաստանի պետական սահմանն ապօրինաբար խախտելու գործով. «ԱՄՆ-ն ԵՄ-ն եւ մյուսները Ռուսաստանին հիշեցրեցին, որ պատժամիջոցները կախված են Մինսկի համաձայնագրերի իրականացումից, այդ թվում՝ գերիների ազատ արձակումից»,- պատասխանեց Բայերը
Օգտատերերից մեկը հետաքրքրվեց, թե ինչ քայլեր են ձեռնարկվելու ռուսական քարոզչության դեմ եւ հնարավո՞ր է արդյոք, որ պատժամիջոցներ կիրառվեն ԶԼՄ-ների դեմ. «Պետք չէ տուրք տալ գայթակղությանը եւ սահմանափակել խոսքի ազատությունը։ Երկրորդը՝ քարոզչությունը թույլերի զենք է եւ երրորդը՝ ճիշտն է լավագույն զենքը»։
Կարդացեք նաև
Աշոտ ԻՍՐԱԵԼՅԱՆ
