Ինչպես ավելի վաղ հայտնել էինք, Հայաստանն անդամակցել է Եվրոպայի խորհրդի «Եվրիմաժ» մշակութային աջակցության հեղինակավոր հիմնադրամին: Այս առթիվ հրավիրված մամուլի ասուլիսի ընթացքում Մշակույթի փոխնախարար Արթուր Պողոսյանն անդրադարձավ եվրոպական հիմնադրամի եւ հայ պրոդյուսերների գործակցության միջոցով «Հայֆիլմ» կինոստուդիայի հնարավոր վերագործարկման հարցին:
«Ֆինանսական շատ մեծ ներդրումներ են պահանջվում` «Հայֆիլմ»-ը վերագործարկելու համար: Առայժմ այն գտնվում է պետգույքի ենթակայության ներքո: Պետք է փորձել ներդրումների պատրաստ իրավաբանական անձանց գտնել, հասկանալ, թե ինչ գույք է մնացել եւ ինչպես կարելի է այն օգտագործել: Բացի այդ, մասնակի վերանորոգումներ պետք է արվեն: Եթե անկեղծ լինենք, գույքը, մեղմ ասած, անմխիթար վիճակում է: Վերագործարկելու համար նախեւառաջ նշյալ խնդիրները պետք է լուծել»,-ասաց Արթուր Պողոսյանը:
Հայաստանի ազգային կինոկենտրոնի տնօրեն Գեւորգ Գեւորգյանն էլ խնդրին այսպես արձագանքեց. «Եթե ժամանակին տեսել եք «Հայֆիլմ»-ը եւ տեսնեք հիմա… Սիրիայի ռմբակոծված տարածքներն ավելի բարեկարգ են… Ուստի ներդրումներ, իսկապես, անհրաժեշտ են»:
Կարդացեք նաև
Լուիզա ՍՈՒՔԻԱՍՅԱՆ
