Վերջերս մի պատահական տաքսի էի նստել։ Տաքսու հաշվիչի վրա մի քանի կոճակ կա։ Որը սեղմում է, համապատասխան սակագին է միանում։ Մեկը՝ ինչպես պարզվեց, մեզ համար է, այսինքն` 600 դրամից է հաշվիչը միանում կիլոմետրը՝ 100 դրամ, որը սկսում է ավելանալ 4կմ անցնելուց հետո։ Մյուսը՝ օդանավակայան գնալու համար։ Երրորդը՝ հեռու մարզերի համար էր, իսկ չորրորդը… պարսիկների։ Այսինքն, որ պարսիկ է նստում, միացնում են այն սակագինը, որտեղ մի կիլոմետրը 200 դրամ է հաշվում կամ ավելի։
Ու վարորդը հպարտությամբ է դա ներկայացնում, թե քանի կարանք, դրանցից փող պոկենք։ Իր պատկերացմամբ՝ Ավարայրի ճակատամարտի համար վրեժ է լուծում պարսիկներից։
Սա ի՞նչ է, եթե ոչ գողություն։ Դրամաշորթություն։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
