Ադրբեջանի հետ սահմանագոտին շրջանցող Բաղանիս-Ոսկեպար 6.3 կմ երկարությամբ ավտոճանապարհը կառուցվել է 2006-2007 թվականներին, պետբյուջեի 868 միլիոն դրամ ֆինանսավորմամբ: Երբ ադրբեջանական զինուժը գնդակոծում է հիմնական, սահմանի երկայնքով ձգվող ճանապարհը, երթեւեկը կատարվում է շրջանցիկ ուղիով, այն դառնում է «կյանքի ճանապարհ»:
Շրջանցիկ ճանապարհը սողանքի պատճառով փլվում է, հողի հոսքը պահող գաբիոնները խիստ թեքվել են: ՀՀ տրանսպորտի եւ կապի նախարարության «Հայաստանի ավտոմոբիլային ճանապարհների տնօրինություն» ՊՈԱԿ գլխավոր տնօրեն Աշոտ Արշակյանից տեղեկացանք, որ այս տարի պետական բյուջեից ֆինանսավորվող ծրագրով սողանքից տուժած վերոհիշյալ ավտոճանապարհի վերանորոգման, ամրացման աշխատանքներ կկատարվեն:
Ոսկան ՍԱՐԳՍՅԱՆ
