«Լույս» տեղեկատվական-վերլուծական կենտրոնի անդամ Հայկ Այվազյանն այսօր Ընտրական օրենսգրքի թեմայով խորհրդարանական լսումների ժամանակ կառավարության աշխատակազմի ղեկավար-նախարար Դավիթ Հարությունյանին հարցրեց, թե էլեկտրոնային գրանցման սարքերի, տեխնիկական միջոցների համար որքա՞ն գումար են ծախսելու:
Դավիթ Հարությունյանը պատասխանեց, որ դիմում են դոնորներին, որ օգնեն. «Եթե գնանք միայն նույնականացման ID քարտերով ընտրությունների, գինը կտատանվի 7-8 մլն դոլարի սահմաններում, գրանցման սարքերի արժեքը 2-2.5 մլն դոլար է, եթե հետները հաշվենք մեծ մոնիտորները՝ մոտ կես մլն դոլար էլ դա է ավելացնելու իր սարքերով, անխափան հոսանքով, եթե էլեկտրոնային քվեարկության համակարգը ներդնենք, դրա գինն էլ մոտ 8 մլն դոլար կկազմի՝ կոպիտ թվերով»:
Հռիփսիմե ՋԵԲԵՋՅԱՆ
