«Ներկայացված օրինագիծը չի կատարել ԵԱՀԿ/ԺՀՄԻԳ-ի հանձնարարարականներից ոչ մեկը, չի արտացոլում քաղաքացիական հասարակության եւ ընդդիմության պահանջները: Այսօր հրապարակվել է այդ պահանջների միասնական պլատֆորմը, որը, ըստ էության միավորում է քաղհասարակությանն ու ՀՀ քաղաքական ուժերին: Այսինքն, լայն կոնսենսուսը կառուցվում է եւ լուրջ արդյունքների է հասել, մնում է դուք ընդունեք»,- այսօր Ընտրական օրենսգրքի թեմայով ԱԺ լսումների ժամանակ ՀԱԿ խմբակցության ղեկավար Լեւոն Զուրաբյանի այս քննադատությանն ի պատասխան՝ կառավարության աշխատակազմի ղեկավար-նախարար Դավիթ Հարությունյանը դահլիճում ներկաներին հորդորեց ձեռք բարձրացնել. «Ովքե՞ր են ծանոթ այդ պլատֆորմի ձեւավորմանը»:
Դավիթ Հարությունյանն ասաց. «Հուսով եմ, կարողացաք հաշվել, թե քանի ձեռք բարձրացավ: Այդ ձեռքերը խոսում են լայն կոնսենսուսի մասին: Խոսելով լայն կոնսենսուսի մասին՝ դուք ուզուրպացնում եք այլ ուժերի կարծիքը:
Արամ Մանուկյանն ու Լեւոն Զուրաբյանը տեղից սկսեցին կազմակերպությունների անուններ տալ, թե ովքեր են միացել իրենց:
Դավիթ Հարությունյանը նաեւ նշեց, որ համաձայն չէ ԵԱՀԿ/ԺՀՄԻԳ-ի հանձնարարականների հետ կապված ՀԱԿ-ի գնահատականներին:
Կարդացեք նաև
Հռիփսիմե ՋԵԲԵՋՅԱՆ
