«Եթե ընդդիմությունն իրեն «ճնշում» բառից լավ է զգում, թող անունը դնի «ճնշել»: Կարծում եմ` ոչ թե ձեւի վրա պետք է կենտրոնանանք, այլ բովանդակության»,-այսօր Վ. Բրյուսովի անվան լեզվահասարակագիտական համալսարանում Հունաստանի անկախության տոնին նվիրված միջոցառման ժամանակ Aravot.am-ի հարցին ի պատասխան ասաց ԱԺ փոխնախագահ Էդուարդ Շարմազանովը:
ԱԺ փոխնախագահին խնդրեցինք մեկնաբանել ՀԱԿ ղեկավար Լեւոն Զուրաբյանի հայտարարությունը, թե ընդդիմությունը ճնշում է գործադրելու իշխանության վրա:
Շարմազանովի խոսքով` երկրորդական է, թե ընդդիմությունն Ընտրական օրենսգրքի շուրջ բանակցություններին ինչ որակում կտա. «Ես դուրս եմ եկել պատանեկան-երիտասարդական տարիքից, որ բառերին ուշադրություն դարձնեմ: Եթե Լեւոն Զուրաբյանը «ճնշում» բառից իրեն լավ է զգում, խնդիր չկա, թող ասի, որ մեզ ճնշել է: Ինձ համար էականն արդյունքն է, որի արդյունքում էլ կունենանք նորմալ Ընտրական օրենսգիրք»,-եզրափակեց ԱԺ փոխնախագահը:
Կարդացեք նաև
Լուիզա ՍՈՒՔԻԱՍՅԱՆ
