Բելգիայի մայրաքաղաք Բրյուսելի «Զավենթեմ» օդանավակայանում երկու պայթյուն է գրանցվել։ Այս մասին տեղեկացնում է BBC-ն։
Նախնական տվյալներով՝ զոհվել է 12 մարդ: Երկու պայթյուններից հետո օդանավակայանի ղեկավարությունը որոշել է տարհանել և դեպքերի վայրից հեռացնել աշխատակիցներին և ուղևորներին։ Չեղյալ են հայտարարվել բոլոր չվերթները, փակվել են օդանավակայան տանող բոլոր ճանապարհները, ընդհատվել են մետրոյի և գնացքների՝ դեպի օդանավակայան երթուղիները։
Վարկած կա, որ երկու պայթյունները կարող են ահաբեկչական գործողությունների հետևանք լինել։
