«Այսօր մենք, իհարկե, քարկոծում ենք «Հայանտառի» տնօրինությանը եւ մյուսներին։ Կառավարությունը քանի որ իր բոլոր միջոցները դնում է մասնավորի գրպանը, պետական գանձարան համարյա գումար չի մտնում։ Արդեն երկար տարիներ են, որ աշխատավարձի անհրաժեշտ քանակի 80%-ն է պետական բյուջեի միջոցով ապահովվում»,- «Նոյյան տապան» լրատվական գործակալության մամուլի սրահում հայտարարեց «Կանաչների միության» նախագահ Հակոբ Սանասարյանը։
Ըստ նրա՝ մնացած 20%-ն ապահովվում է հատումների հաշվին. «Այսինքն անտառը պահպանել՝ հատելով։ Հսկայական գումար է պահանջվում անտառի պահպանության հետ կապված։ Մոտավորապես՝ 1 միլիարդ ռուբլու սահմաններում։ Սրանք մոտավորապես 70%-ն են տալիս։ Իսկ ընդհանրապես անտառի վերականգնման համար գումար չի տրամադրվում»։
Հակոբ Սանասարյանը հայտարարեց, որ անտառտնտեսությունում աշխատող մոտավորապես 1.000 հոգու ապրուստն անտառհատումների շնորհիվ է ապահովվում։
Աշոտ ՒՍՐԱԵԼՅԱՆ
Կարդացեք նաև
Լուսանկարը՝ «Նոյյան տապանի»
