Դոնեցկի ռոստովյան շրջանի դատարանը մեղավոր է ճանաչել ուկրաինացի զինծառայող Նադեժդա Սավչենկոյին։ Այս մասին տեղեկացնում է ռուսական «ՌԻԱ» լրատվական գործակալությունը։
Դատարանի կայացրած վճռով Սավչենկոն մեղավոր է ճանաչվել երկու լրագրողների սպանության և Ռուսաստանի Դաշնության պետական սահմանը ապօրինաբար խախտելու գործով։
Դատարանի վճիռը կարդալիս՝ դատավորը հայտարարել է. «Նախնական պայմանավորվածություն ձեռք բերելով մի խումբ մարդկանց հետ՝ Սավչենկոն սպանություն է կատարել թշնամանքի և ատելության հողի վրա»։
Դատարանի վճռում նշվում է, որ սպանությունը իրագործելու դրդապատճառներից է եղել Լուգանսկի շրջանում ապրող մարդկանց հանդեպ Սավչենկոյի ատելությունը, ինչպես նաև ատելությունն ընդհանրապես՝ ռուսախոս մարդկանց հանդեպ։
Կարդացեք նաև
Հիշեցնենք, որ ուկրաինուհի Նադեժդա Սավչենկոն մեղադրվում է Համառուսաստանյան պետական հեռուստաընկերության երկու լրագրողների՝ Իգոր Կորնելյուկի և Անտոն Վոլոշինի սպանության գործով։ Ռուսական հետաքննության տվյալներով 2014թ. ամռանը Սավչենկոն «Այդար» զորամիավորման տրամադրության տակ էր և հենց նրա հաղորդած կոորդինատորների միջոցով էլ հարված է հասցվել, որի հետևանքով զոհվել են լրագրողները։
Ռուսաստանի դատախազությունը պահանջում է 23 տարվա ազատազրկման դատապարտել Սավչենկոյին։
Սավչենկոյի գործով ամբողջական վճիռը դատարանը կհրապարակի վաղը։
