Մոսկվայում այսօր կայացավ շախմատի աշխարհի թագի համար հավակնորդների մրցաշարի 8-րդ տուրը: Լեւոն Արոնյան-Անիշ Գիրի եւ Պյոտր Սվիդլեր-Սերգեյ Կարյակին պարտիաներն ավարտվեցին ոչ-ոքի: Կեսական միավոր վաստակեցին Վեսելին Տոպալով-Վիշվանաթան Անանդ զույգի կողմերը: Միակ հաղթանակը տարավ Ֆաբիանո Կարուանան, որը պարտության մատնեց Հիկարու Նակամուրային:
Արոնյանն ու Կարյակինը 5,0-ական միավորով բաժանում են 1-ին եւ 2-րդ հորիզոնականները, Կարուանան ու Անանդը նրանցից ետ են մնում կես միավոր, այնուհետեւ գալիս են Գիրին, Սվիդլերը, Նակամուրան եւ Տոպալովը:
Վաղը՝ 9-րդ տուրի զույգերն են՝ Անանդ-Արոնյան, Նակամուրա-Կարյակին, Գիրի-Կարուանա, Տոպալով-Սվիդլեր:
Աշոտ ՀԱԿՈԲՅԱՆ
Կարդացեք նաև
Լուսանկարը՝ chessfed.am-ի
