Օրերս հայտնի դարձավ, որ Վերահսկիչ պալատի ստուգումների արդյունքում Արագածոտնի եւ Կոտայքի մարզերի սոցիալական ծառայությունների տարածքային գործակալություններում բացահայտումների պատճառով իրենց պաշտոններին հրաժեշտ են տվել Կոտայքի մարզի Եղվարդի սոցիալական ծառայության պետ Լավրենտ Գեւորգյանը, Արագածոտնի մարզի Աշտարակի պետ Սասուն Ադամյանը, Թալինի պետ Արթուր Կարապետյանը։ Մեր տեղեկություններով, արդեն նախկին պաշտոնյաները սոցիալական հատկացումների ծրագրում ընդգրկել էին իրենց ծանոթ-բարեկամներին, ազգուտակին, որոնց մեծ մասը բարձր աշխատավարձ է ստացել։
Մեզ հաջողվեց ճշտել նաեւ, որ այս ստորաբաժանումներում 5 աշխատակցի էլ նկատողություն են տվել, որոնք անզգուշությամբ մասնակից էին դարձել վերադասի խարդախություններին։ Մյուս մարզերում իրականացված ստուգումների արդյունքները դեռ հայտնի չեն, սակայն խնդիրն այն է, թե հայտնաբերված չարաշահումների հետ կապված տվյալ պաշտոնյաները պատասխանատվության կենթարկվե՞ն, թե՞ կբավարարվեն միայն նրանց պաշտոնից հեռացնելով եւ դրա շուրջ շոու սարքելով։
Հրապարակումն ամբողջությամբ՝ «Հրապարակ» թերթի այսօրվա համարում:
