Ըստ հետազոտության, մազն ունի 2-4 տարվա կյանք: Այն տարվա մեջ աճում է 12 սմ, իսկ ամբողջ կյանքում` 8 մետր: Հիմնականում գլխամաշկը ծածկված է 90-150 հազար մազով:
Որպեսզի մազերը միշտ առողջ եւ ամուր լինեն, անհրաժեշտ է համակողմանի սնուցում, որոնց մեջ մտնում են սպիտակուցները, օգտակար ճարպերը, վիտամինները, միկրոտարրերը, ամինաթթուները:
Մեծ քանակությամբ շաքարավազը արյան մեջ վերածվում է թունավոր նյութի, որը արտազատվում է մաշկի միջոցով, այդ թվում՝ գլխի մազածածկի միջոցով, որն էլ պատճառ է հանդիսանում յուղոտ մազերի:
Աղի մեծ քանակությունը կանխում է վիտամինների յուրացումը:
Գազավորված ըմպելիքները պարունակում են մեծ քանակությամբ վնասակար բաղադրիչներ եւ դատարկ ածխաջրեր:
Կարդացեք նաև
Կիսաֆաբրիկատները եւ «ֆաստ ֆուդ»-ը` արագ սնունդը, գրեթե չեն պարունակում վիտամիններ եւ հանքային նյութեր, որոնք անչափ օգտակար են օրգանիզմի համար եւ համապատասխանաբար՝ նաեւ մազերի:
Այն մթերքները, որոնք պարունակում են կոֆեին` սուրճ, թեյ, շոկոլադ, կանխում են այնպիսի վիտամինների յուրացումը, ինչպիսիք են B եւ C-ն, խոչընդոտում են նաեւ ցինկի եւ կալիումի յուրացումը:
Կաթնային յուղոտ մթերքները կարող են առաջացնել ալերգիա եւ գլխամաշկի քոր:
Չոր եւ վնասված մազերի հիմնական պատճառը հանդիսանում է ճարպաթթուների պակասը: Այդ ժամանակ անհրաժեշտ է սննդակարգում ավելացնել յուղոտ ձուկ` շաբաթը 3-4 անգամ, ձիթապտղի կամ այլ բուսայուղ, ավոկադո:
Այն մազերը, որոնք կարիք ունեն հաճախակի լվանալու, օրգանիզմը ունի B վիտամինի պակաս: Այս դեպքում անհրաժեշտ է սննդակարգում ավելացնել հացահատիկեղեն, ձավարեղեն եւ խոշոր աղացած ալյուրով թխված հաց:
Փխրուն մազերը, որոնք չունեն ուժ եւ փայլ, նշան են, որ օրգանիզմում կա ցինկի պակաս: Մասնագետները խորհուրդ են տալիս հաճախակի ուտել ոստրե, հավի միս, լոբի, ձու, վարսակի ալյուր, բանան, նուշ, քունջութ, ավոկադո եւ այլն:
Մազերի վաղաժամ սպիտակելը ցույց է տալիս, որ օրգանիզմում պակաս է պղինձը եւ երկաթը, ինչպես նաեւ B խմբի վիտամիններ: Այս դեպքում անհրաժեշտ է սննդակարգում ներառել բանան, նուշ, ընկույզ, լյարդ, ձավարեղեն, վարսակի ալյուր:
Մազաթափությունը երկաթի եւ B վիտամինի պակաս է: Այս ժամանակ սննդակարգում ավելացնել կարմիր միս, լյարդ, ձու, ընդեղեն, շիլաներ, վարսակի ալյուր, ծիրան:
Թուլացած մազերը սպիտակուցի պակասի արտացոլում է, որի ժամանակ անհրաժեշտ է անյուղ միս, ձու, ձուկ, ընկույզ, չրեր:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
18.03.2016
