Համաշխարհային հակադոպինգային գործակալությունը՝ ՎԱԴԱ-ն, Ադրբեջանին հեռացրել է Արեւելյան Եվրոպայի տարածքային հակադոպինգային կազմակերպությունից:
Փետրվարի 5-ից 7-ը Ծաղկաձորում կայանալիք Արեւելյան Եվրոպայի տարածքային հակադոպինգային կազմակերպության գործկոմի նիստին առաջին անգամ կմասնակցի այդ կազմակերպության յոթ երկիր, քանի որ Համաշխարհային հակադոպինգային գործակալության որոշումով Ադրբեջանն այլեւս այդ կազմակերպության անդամ չէ:
Այս առիթով Հայաստանի հակադոպինգային գործակալության ղեկավար, բժշկական գիտությունների դոկտոր, պրոֆեսոր Արեգ Հովհաննիսյանն Aravot.am-ին ասաց. «Հարցը վաղուց էր հասունացել եւ որոշումը սպասելի էր: Այս տարվա հունվարին Թաիլանդում կայացած տարածքային հակադոպինգային կազմակերպությունների համաժողովում հայտարարվել էր, որ այդ կազմակերպություններում կան երկրներ, որոնք լիարժեք չեն կատարում իրենց պարտականությունները, ուստի ՎԱԴԱ-ն որոշում է այդ երկրներից ազատվել»:
Աշոտ ՀԱԿՈԲՅԱՆ
