Ազգային ժողովում ընտրական օրենսգրքի նախագծի շուրջ քննարկումներն են:
Երբ հարց տալու հերթը Մարգարիտ Եսայանին էր, Արամ Մանուկյանը վրդովվեց, որ հերթագրումը խախտվել է: Ըստ նրա, երբ իրենք գրանցվել են, այդ պատգամավորները դեռ դահլիճում չէին, կեղծիք է կատարվում:
Հովհաննես Սահակյանը պատասխանեց, որ իրենց օգնականները գրանցումը նաեւ թղթային են ուղարկել:
«Այսինքն՝ սա դուք կեղծում եք, արդարությունի՞ց եք խոսում»,- ասաց Արամ Մանուկյանը եւ Մարգարիտ Եսայանից հետաքրքրվեց, թե նա որտեղ էր, որ ինքը գրանցվում էր: Մարգարիտ Եսայանը պատասխանեց, որ դահլիճում էր: Արամ Մանուկյանը պնդեց, որ ինքը նստած էր, երբ Մարգարիտ Եսայանը մտավ դահլիճ եւ նստելու տեղ չկար:
Կարդացեք նաև
«Եթե պարոն Մանուկյանին դա կօգնի, թող ինքը խոսի իմ փոխարեն»,- պատասխանեց Մարգարիտ Եսայանը:
Արամ Մանուկյանը լքեց նիստերի դահլիճը:
Ամի ՉԻՉԱԿՅԱՆ
