Հոլիվուտեան դերասանուհի Մէկ Ռայեանը ամերիկահայ գրող Ուիլեըմ Սարոյեանի «Մարդկային կատակերգութիւնը» ստեղծագործութեան հիման վրայ նկարահանած ֆիլմին համար արժանացած է մրցանակի:
Ըստ Գանատայի Howizonweekly-ին՝ Ռայեանի բեմադրական նուիրակելի ֆիլմը, որ ստացած է «Իթաքա» անուանումը, ներկայացուած է «Սոնոմա» միջազգային փառատօնին:
Մարտ 31-ին կայանալիք ձեռնարկին Մէկ Ռայեանը հայ գրողի ստեղծագործութեան հիման վրայ նկարահանած ֆիլմի համար կ’արժանանայ Sonoma Salute մրցանակին: Ձեռնարկը պիտի մեկնարկէ «Իթաքա»-ի ցուցադրութեամբ:
Վէպին գործողութիւնները տեղի կ՝ունենան ԱՄՆ-ի Քալիֆորնիա նահանգի մտացածին Իթաքա քաղաքին մէջ` Երկրորդ համաշխարհային պատերազմի տարիներուն: Գլխաւոր հերոսը 14-ամեայ Հոմեր Մագաուլէյն է, որուն աւագ եղբայրը` Մարքուսը, գացած է պատերազմ` ընտանիքին (այրիացած մօր, աւագ քրոջն ու 4-ամեայ եղբօրը) ձգելով Հոմերու խնամքին տակ:
Ֆիլմի նկարահանման գաղափարը Ռայեանի մօտ ծագած է գիրքը կարդալու ընթացքին, երբ ան կ՝ամուսնալուծուէր, իսկ որդին, որ նոյնպէս նկարահանուած է ֆիլմին մէջ, 8 տարեկան էր: «Ես շարունակ կը մտածէի` արդեօք անոր հետ ամէն բան կարգի՞ն է: Ես գտայ այս գիրքը, եւ ատիկա այնքան շատ բաներու մասին էր… Այնտեղ այնքան հիանալի գաղափարներ կային»,- պատմած է Մէկ Ռայեանը:
«Իթաքա» ֆիլմը շարժանկարի վարձոյթ ներկայացուած է 2015 թուականի Հոկտեմբեր 23-ին: Այնտեղ կը խաղան Մէկ Ռայեանը, անոր որդին` Ճէք Քուէյտը, Թոմ Հենքսը, Սեմ Շեփարտը:
