Վերջերս ստեղծված «Լուսավոր Հայաստան» կուսակցությունը սկսել է հանրային «լսումների» փուլը, որի շրջանակում հանդիպելու է մայրաքաղաքային եւ ֊մարզային բնակչության հետ։
Էդմոն Մարուքյան (անկախ պատգամավոր, «Լուսավոր Հայաստան» կուսակցության նախագահ)
– ՏԻՄ ընտրություններին «Լուսավոր Հայաստանը» մասնակցելո՞ւ է:
– Մասնակցելու ցանկություն կա, բայց դա չի լինելու ձևական։ Մասնակցելու ենք այն համայնքներում, որտեղ ռեալ հաղթելու հավանականություն ունենք։ Ձևական թեկնածուներ չեն լինելու։ Այս պահին աշխատանքներ ենք տանում Վանաձորում, Գյումրիում և մի շարք այլ համայնքներում ընտրություններին մասնակցելու համար։
Կարդացեք նաև
– Վանաձորում, ասում են, «խաղի» մեջ եք մտցնելու Ձեր եղբորը՝ որպես քաղաքապետի թեկնածու։
– Խոսքն ավագ եղբորս մասին է, ով իմ ընտրությունների ժամանակ եղել է նախընտրական շտաբի պետ։ Նա «խաղի» մեջ է վաղուց։ Թիմի անդամ է, նրա հետ կան այլ թեկնածուներ, որոնց առաջադրման հարցը ևս քննարկվում է։ Այստեղ եղբորս խնդիրը դրված չէ, ես վարչական ռեսուրս չունեմ, իշխանություն չեմ, որ օգտագործեմ ի շահ իմ եղբոր։
Մեր թիմից ով էլ առաջադրվի՝ կա՛մ իմ ընկերն է, կա՛մ հարազատական կապ ունեցող մարդ։ Ժողովուրդը կընտրի՝ կապ չունի ում եղբայրն է կամ սանիկը։ Վանաձորում չի գործում՝ սա նրա եղբայրն է կամ ընկերը:
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
