Մոսկվայի կենտրոնական հեռագրատանն ընթացող շախմատի աշխարհի չեմպիոնության համար հավակնորդների մրցաշարի հինգերորդ տուրում գրոսմայստերները հաղթանակ տարելու համար առանձնակի ջանքեր չգործադրեցին: Վիշվանաթան Անանդ (Հնդկաստան)-Հիկարու Նակամուրա (ԱՄՆ), Անիշ Գիրի (Նիդերլանդներ)-Պյոտր Սվիդլեր (Ռուսաստան), Վեսելին Տոպալով (Բուլղարիա)-Սերգեյ Կարյակին (Ռուսաստան) եւ Լեւոն Արոնյան (Հայաստան)-Ֆաբիանո Կարուանա (ԱՄՆ) պարտիաներում մրցակիցները համաձայնեցին ոչ-ոքիի: Մրցաշարային աղյուսակում տեղերի վերադասավորություններ չարձանագրվեցին:
Աշխարհի ութ ուժեղագույն շախմատիստները վեցերորդ տուրից առաջ դասավորվել են այսպիսի հաջորդականությամբ:
1. Սերգեյ Կարյակին՝ 3,5
2. Լեւոն Արոնյան՝ 3,0
Կարդացեք նաև
3. Անիշ Գիրի՝ 2,5
4. Ֆաբիանո Կարուանա՝ 2,5
5. Վիշվանաթան Անանդ՝ 2,5
6. Պյոտր Սվիդլեր՝ 2,5
7. Հիկարու Նակամուրա՝ 2,0
8. Վեսելին Տոպալով՝ 1,5
Այսօր վեցերորդ տուրում զույգեր կազմելու են. Անանդն ու Սվիդլերը, Տոպալովն ու Գիրին, Արոնյանն ու Նակամուրան, Կարունան ու Կարյակինը:
ԱՇՈՏ ՀԱԿՈԲՅԱՆ
«Առավոտ» օրաթերթ
17.03.2016
