Ինչպես արդեն տեղեկացրել ենք, Շենգավիթ վարչական շրջանի ընդհանուր իրավասության առաջին դատարանում մարտի 16-ին Վարդգես Գասպարիի գործի քննությունն էր: Դատական նիստի ընթացքում Գասպարին կրկին պառկեց նիստերի դահլիճում, այնուհետեւ հեռացավ:
Լրագրողների հետ զրույցում Վարդգես Գասպարին հայտարարեց, որ իրեն չի մտահոգում այն, որ դատարանը իրեն կարող է կրկին բերման ենթարկել. «Առանց իմ պաշտպանների ներկայության` չեմ պատրաստվում մասնակցել»:
Aravot.am-ի դիտարկմանը, երբ դատավորը հետաքրքրվում էր, թե արդյոք Գասպարին համաձա՞յն է առանց իր պաշտպանների ներկայության շարունակել գործի քննությունը, վերջինս լռում էր, նա պատասխանեց. «Իհարկե՛, ամեն ինչ ամեն կերպ կարելի է մեկնաբանել, բայց փաստն այն է, որ առանց ամբաստանյալի եւ առանց պաշտպանների ներկայության, որքան ինձ հայտնի է, Քրեական օրենսգրքով չի նախատեսվում դատ անել»:
Կարդացեք նաև
Նկատառմանը, որ այդ պահին առանց իր ներկայության նիստն ընթանում էր, Գասպարին պատասխանեց. «Ինչ ասեմ, չգիտեմ, իրավաբաններն ավելի ստույգ կպատասխանեն»:
Ամի ՉԻՉԱԿՅԱՆ
