Գյումրի բժշկական կենտրոնի լրատվության ու հասարակայնության հետ կարպերի բաժնից մեզ տեղեկացրեցին, որ մարտի 15-ին ժամը 22:30-ին ճանապարհատրանսպորտային պատահարի հետեւանքով տուժած քաղաքացի է ընդունվել հիվանդանոց: Վերջինս 1974 թ ծնված Արմավիրի մարզի բնակիչ Գ.Գ.ն է: Ախտորոշվել է ներքին օրգանների տարբեր աստիճանի վնասվածքներ, բազմակի կոտրվածքներ: Հիվանդը ծայրահեղ ծանր վիճակում գտնվում է վերակենդանացման բաժանմունքում: Վթարը տեղի է ունեցել Բենիամին գյուղի ճանապարհին, Հոռոմի խաչմերուկի մոտակայքում: Այս ճանապարհով երթեւեկողներն առավոտյան տեսել են միմյանց բախված ու դեռ ճանապարհին գտնվող մեքենաները՝ երկուսն էլ ջարդուխուրդ եղած:
Արտակարգ իրավիճակների նախարարության տարածած հաղորդագրության համաձայն, «Մարտի 15-ին, ժամը 21.28-ին տեղեկատվություն է ստացվել, որ Հոռոմ-Բենիամին ավտոճանապարհին տեղի է ունեցել ՃՏՊ։ Դեպքի վայր է մեկնել մեկ մարտական հաշվարկ: Պարզվել է, որ Մ-1 միջպետական ավտոճանապարհի Երևան-Գյումրի հատվածի մոտ 110-րդ կմ-ում բախվել են «Օպել Վեկտրա» մակնիշի 34 ZM 766 պ/հ մակնիշի (վարորդ՝ Մ. Ա. ծնված 1990 թ.) և «ՎԱԶ-2107» մակնիշի 34 FV 214 պ/հ (վարորդ՝ Գ.Գ. 1974 թ.), ինչի հետևանքով Գ.Գ-ը տեղի ուժերով դուրս է բերվել ավտոմեքենայից և հոսպիտալացվել Գյումրի քաղաքի ԲԿ. բժիշկները տուժածի առողջական վիճակը գնահատել են ծանր»:
Նունե ԱՐԵՎՇԱՏՅԱՆ
