ԵՏՄ անդամ երկրները մի համաձայնագիր են ստորագրել, որը կոչվում է «Բնական մորթուց հագուստի պարագաներ եւ այլ ապրանքատեսակների ապրանքների դրոշմավորում ներդնելու փորձնական ծրագիր»:
Ֆինանսների փոխնախարար Արմեն Ալավերդյանն ասաց, որ այնպես պետք է անեն, որ իրացման փուլում չպիտակավորված ապրանք չտեսնեն, սրա նպատակն է կեղծված կամ ապօրինի ապրանքների շրջանառության կանխումը: Այսպես ստեղծվում են արդար մրցակցության պայմաններ բարեխիղճ սպառողների համար. «2018-ից սկսած՝ եթե մենք որեւէ բնական մորթուց ապրանք ձեռք բերենք, վստահ կլինենք, որ դա անցել է օրինական ճանապարհ, պիտակավորվել է: Ներկրողները պետք է ցույց տան, թե որտեղից են ներկրել»:
Արմեն Ալավերդյանն ասաց, որ հիմա այդ պիտակների համար հաշվանցում պետք է արվի, բայց Հարկային նոր օրենսգրքով արդեն պիտակները պետք է ձեռք բերի պետությունը:
Փոխնախարարի խոսքերով՝ նախկինում մորթուց ապրանքների վաճառքը չեն կարողացել վերահսկել, որովհետեւ անձը ցույց է տալիս, թե այդ թանկարժեք մուշտակները իր համար է բերում. «Այս նախագիծը թույլ կտա, որ այլեւս պատահական նման մուշտակներ շուկայում չհայտնվեն, որովհետեւ եթե պիտակ չկա, ուրեմն օրինական ճանապարհով չեն բերել, վտանգ կա»:
Կարդացեք նաև
Հռիփսիմե ՋԵԲԵՋՅԱՆ
