Այսօր ԱԺ նիստում շարունակվում է Ավելացված արժեքի մասին ՀՀ օրենքում փոփոխություններ եւ լրացումներ կատարելու մասին նախագծի քննարկումը, որը ծափերով ընդունվեց ընդդիմության կողմից:
Հիշեցնենք, որ նախագծով նախատեսվում է ԵՏՄ տարածքից ներկրվող ավտոմեքենաների ԱԱՀ-ն հանել: Բայց այն դեպքում, երբ ներկրողը ֆիզիկական անձ է եւ ներկրում է տարեկան ընդամենը 1 մեքենա:
ԲՀԿ խմբակցության պատգամավոր Տիգրան Ուրիխանյանը հարակից զեկուցող Միքայել Մելքումյանին հարցրեց՝ բա այս ամբողջ ժամանակահատվածում մեր իշխանությունը չգիտե՞ր այդ մասին, որ այդ հարկը հաներ, մինչեւ Վալովայան չմատնանշեր, չէ՞ր հանում, ինչի՞ն էր սպասում. «Սա չի արվել ժամանակին, սրա արդյունքում մեր քաղաքացիները կորուստ են կրել, բա սրա պատասխանն ո՞վ է տալու»: Նա հետաքրքրվեց՝ վերադարձվելո՞ւ են քաղաքացիներին այդ վճարած հարկերը:
Միքայել Մելքումյանը պատասխանեց, որ սոցիալական արդարություն պետք է լինի օրենսդրության հիմքում. «2014-ին գիտեք ինչքան մուտք է եղել ավտոմեքենաներից, որ ներկրվել է՝ 44 մլրդ դրամ, 12 մլրդ դրամ մուտք է եղել շրջանառության հարկից: Տեսեք ինչ ոլորտ է եղել, եւ պետությունը բյուջեի շահը հաշվի առնելով՝ չի սահմանափակել: ԵՏՄ մտնելուց հետո պետք է ճիշտ որոշում կայացվեր: Այդ հարցադրումը արժանի է քննարկման»:
Կարդացեք նաև
Միքայել Մելքումյանն ասաց, որ հիմնականում մենք մեքենա ենք ներկրում ՌԴ-ից, իսկ Բելառուսից՝ բեռնատարներ, Ղազախստանից ընդհանրապես չենք ներկրում:
Հռիփսիմե ՋԵԲԵՋՅԱՆ
