Այսօր տեղի ունեցած աշխատանքային խորհրդակցության ընթացքում բնապահպանության վարչության պետը զեկուցել է, որ շարունակվում է ծառերի գարնանային էտը: Նաև զեկուցվել է, որ ընթացքի մեջ է ծաղկապատմանն անհրաժեշտ ծաղկասածիլների խմբաքանակի ներկրման գործընթացը:
Քաղաքապետ Տարոն Մարգարյանը հանձնարարել է աշխատանքները պահել մշտական հսկողության տակ, ինչպես նաև շարունակել խստացված հսկողությունը ապօրինի ծառահատման դեպքերը կանխելու ուղղությամբ:
«Յուրաքանչյուր տարի մենք նոր այգիներ ու պուրակներ ենք ստեղծում, ավելացնում ենք կանաչ տարածքները, ծառատունկեր ենք իրականացնում: Բայց դրան զուգահեռ քաղաքում դեռևս շարունակվում են ապօրինի ծառահատման դեպքեր գրանցվել: Փաստորեն, մեր օրերում դեռևս որոշ մարդկանց անհրաժեշտ է բացատրել, որ ծառը պետք է խնամել, այլ ոչ թե՝ կտրել: Նման մարդիկ պետք է սահմանված կարգով ենթարկենք պատասխանատվության օրենքի խստությամբ: Որևէ մեկը չի կարող բացառություն լինել, և այս հարցում ակնկալում եմ նաև սերտ համագործակցություն իրավապահ մարմինների հետ. ամեն առանձին դեպքի մասով ուղարկեք համապատասխան գրություններ Երևանի դատախազությանն ու ոստիկանությանը»,-ընդգծել է քաղաքապետ Տարոն Մարգարյանը:
Երեւանի քաղաքապետարանի մամուլի հաղորդագրություն
Կարդացեք նաև
Ինչպես հավատալ այս խոսքերին, եթե ծառահատման մասին մեր հաղորդումը հենց այս վարչությանը մնում է անարձագանք և օդում կախված: