«Ամեն ամսի 15-ին յուրաքանչյուր ընտանիք սթրես է ապրում, երբ ստանում է գազի ու էլեկտրաէներգիայի մուծումները»,- ԱԺ-ում Հանրային ծառայությունները կարգավորող հանձնաժողովի 2016-ի գործունեության ծրագրի քննարկման ժամանակ ասաց ՀԱԿ խմբակցության քարտուղար Արամ Մանուկյանը:
Իսկ խմբակցության ղեկավար Լեւոն Զուրաբյանը նախընտրական ելույթ ունեցավ՝ խոստանալով. «Կատարելով ուսումնասիրություններ ու հաշվարկներ՝ ամենայն պատասխանատվությամբ հայտարարում ենք, որ գազի եւ էլեկտրականության գները կարելի է նվազեցնել առնվազն 25 տոկոսով: Եվ մենք խոստանում ենք, որ առաջիկա ընտրություններում հաղթելու եւ իշխանության գալու դեպքում առաջին քայլերից մեկը, որ անելու ենք, լինելու է գազի եւ էլեկտրականության գների նվազեցումը: Նույնը մենք կանենք բենզինի եւ դիզվառելիքի գներում: ՀԱԿ-ը կպակասեցնի վառելիքի գները առնվազն 25 տոկոսով»:
ԱԺ փոխխոսնակ Հերմինե Նաղդալյանը, արձագանքելով Զուրաբյանի ելույթին, ասաց. «Լավ երազ է, որ կատարվի: Кто больше?»:
Կարդացեք նաև
Հռիփսիմե ՋԵԲԵՋՅԱՆ
