Այսօր խորհրդարան էր եկել ՀՅԴ համամասնական ցուցակով պատգամավոր ընտրված Կարեն Շահմուրադյանը: Նա պատգամավոր դարձավ, երբ ՀՅԴ-ՀՀԿ համագործակցության արդյունքում Արծվիկ Մինասյանը նախարար նշանակվեց: Կարեն Շահմուրադյանը, հիշեցնենք, «Կարկոմ ավտո» ընկերության սեփականատերերից է: Լրագրողները որոշ հարցեր ուղղեցին նորընտիր պատգամավորին: Զրույցը ներկայացնում ենք ամբողջությամբ
– Ձեր անունը կապվում է խոշոր բիզնեսի հետ: Հակասություն չե՞ք տեսնում պատգամավոր դառնալու և բիզնեսմեն լինելու մեջ:
– Երբ պատգամավորը զբաղվում է պատգամավորական աշխատանքով՝ նա իրավունք չունի զբաղվել այլ գործունեությամբ: Բնականաբար, ես բիզնեսով հիմա էլ չեմ զբաղվելու:
– Ո՞ւմ եք փոխանցել Ձեր բիզնեսը:
Կարդացեք նաև
– Որևէ մեկին գաղտնիք չէ, որ այդ բիզնեսը մենք ժառանգել ենք, բիզնեսի մեջ մենք եղբորս հետ միասին ենք, բիզնեսով կզբաղվի եղբայրս:
– Ի՞նչ կապ ունեք Դուք Միքայել Մինասյանի հետ:
– Մենք մանկության ընկերներ ենք:
– Նա օգնե՞լ է Ձեզ պատգամավոր դառնալու հարցում:
– Ոչնչով:
– Դուք ՀՅԴ անդամ չեք: Հետաքրքիր է՝ կո՞ղմ եք ՀՅԴ–ՀՀԿ համագործակցությանը: – Համագործակցության հուշագրում ամրագրված այդ գեղեցիկ արտահայտությունները ինչպե՞ս են դառնալու իրականություն:
– Գեղեցիկ արտահայտություններ չեն:
– Վստահություն չի ներշնչում՝ ինչպե՞ս պետք է իրագործվի:
– Ոչ մեկի՞ն: Ապագայում կտեսնենք: Եթե կողմերը կկարողանան համերաշխ աշխատել, կաշխատենք, վատ բան չեմ տեսնում:
– Կարո՞ղ եք վստահեցնել, որ կոճակ սեղմող պատգամավորներից չեք լինի:
-Այդ դա վստահեցնում եմ՝ այո
-Մամուլում գրվեց այն մասին, որ Դուք կլորիկ գումար եք տվել ՀՅԴ–ին՝ համամասնական ընտրացուցակում հայտնվելու համար:
– Չեմ հասկանում՝ ո՞վ է տարածում այս լուրերը: Կարդացել եմ, գրված է՝ մեկ միլիոնի մասին: Ինչի՞ համար ես պետք է մեկ միլիոն վճարեմ: Եկեք հասկանանք: Այդ մանդատը, եթե ես գործարար եմ, ինչո՞վ պետք է օգնի ինձ, որ ես բարելավվեմ իմ բիզնեսը: Ես ինձ չեմ համարում ոչ հաջողակ բիզնեսմեն, որը կարիք կունենար հայտնվելու պառլամենտում, որ լծակներ ստեղծի ու բարելավվի ոչ լավ կարգավիճակը: Մենք նման խնդիր չունենք: Բիզնեսը՝ նորմալ է:
Գրի առավ`Նելլի ԳՐԻԳՈՐՅԱՆԸ
