«Հայերեն լեզուն մեր ինքնության հիմքն է: Բոլոր իրավիճակներում, երբ մեր լեզվին՝ որպես ինքնության առանցքի, վտանգ է սպառնում, իսկապես անհրաժեշտություն կամ, որ մենք այդ հարցին պետական, հանրային, հասարակական մեծ ուշադրություն դարձնենք: Բայց երբեմն մենք դրա մասին շատ խոսելով միակողմանիորեն, մեր հասարակությանը սխալ ազդակ ենք ուղղում: 21-րդ դարում գլոբալ աշխարհում բարեկեցության հիմքը նաեւ օտար լեզուների իմացությունն է: Եվ ես երբեք չէի ուզենա, որ խորհրդարանում մենք ասեինք, որ օտար լեզվով ֆիլմեր դիտելը կամ օտար լեզուներ սովորելը վատ է: Ճիշտ հակառակը: Մենք հիանում ենք Սինգապուրի օրինակով: Իսկ Սինգապուրի վաղամեռիկ լեգենդ Լի Կուան Յուն մարդկանց ճիպոտով ծեծելով անգլերեն էր սովորեցնում՝ ազդակ ուղարկելով, որ բարեկեցության հիմքը լեզու իմանալն է»,- այսօր ՀՀԿ խմբակցության պատգամավոր Սամվել Ֆարմանյանն այսպիսի տեսակետ հայտնեց՝ ի հակադրություն այն քննադատությունների, որ ՀՀ ԱԺ-ում ՀԱՊԿ-ի նիստ են անցկացնում ռուսերեն, առանց թարգմանության եւ խախտում «Լեզվի մասին» ՀՀ օրենքը:
Նաեւ այսօր Տիգրան Ուրիխանյանի նախագիծը դրվեց քվեարկության, որով առաջարկվում էր հեռուստատեսությամբ գեղարվեստական ֆիլմերը ցուցադրել միայն հայերեն լեզվով: 55 դեմ քվեարկեց եւ նախագիծը չընդունվեց:
Սամվել Ֆարմանյանը նաեւ դիտողություն արեց, որ հաճախ ընդդիմության հականիշ որպես օգտագործում են դիմություն բառը, որը իշխանության հետ են նույնացնում, բայց այդ գործածումը հայերեն չէ:
Կարդացեք նաև
Հռիփսիմե ՋԵԲԵՋՅԱՆ
