Պետական եկամուտների կոմիտեն իր գոյության ընթացքում, կարելի է ասել, ամենաշատ «ամուսնացած» ու «բաժանված» կառույցն է: Կոմիտեի վերջին միավորումը թերեւս ֆինանսների նախարարության հետ էր, որն այնքան էլ երկար չտեւեց՝ մոտ 2 տարի:
Նախքան 2008-ին հարկայինն ու մաքսայինը կմիավորվեին՝ դառնալով ՊԵԿ, գործում էին որպես առանձին կառույցներ: 1996-ին ստեղծվեց պետական եկամուտների նախարարությունը, ապա 2001-ին այս նախարարության կազմից առանձնացվեց Մաքսային վարչությունը, եւ ստեղծվեց կառավարությանն առընթեր Մաքսային պետական կոմիտե: 2002-ին պետական եկամուտների նախարարությունը դարձավ հարկային պետական ծառայություն: Եվ ամեն անգամ «ամուսնանալ-բաժանվելուց» «զագսի» վկայականը՝ մուտքի ցուցանակն են փոխում:
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ
12.03.2016
