Տեղեկություններ են ստացվում, որ Թուրքիայի մայրաքաղաք Անկարայի կենտրոնական կառավարական թաղամասում տեղական ժամանակով 20:45 րոպեին պայթյուն է տեղի ունեցել: Անվտանգության ուժերի ներկայացուցչի խոսքերով, զոհվել է առնվազն 27 մարդ, շուրջ 75 մարդ վիրավորվել է, հաղորդում է BBC-ն:
Աթաթուրք զբոսայգու ավտոբուսային կայանի շրջանում ավտոմեքենաներ եւ ավտոբուսներ են վառվում, այնտեղ գնում են շտապ օգնության մեքենաները: Թաղամասը շրջափակել են անվտանգության ուժերը: Տեղական հեռուստաալիքները հաղորդում են, թե ավտոբուսի կանգառի փողոցում ականապատ ավտոմեքենա է պայթել: Ականատեսների խոսքերով, նույն տեղում պայթյունից հետո փոխհրաձգություն է լսվել:
Փետրվարին Անկարայում ռումբի պայթյուն էր եղել, որի հետեւանքով զոհվել էր մոտ 30 մարդ: Այն ժամանակ պայթյունի պատասխանատվությունը վերցրել էր քրդական ազգայնամոլական խմբավորումը:
Լուսանկարը՝ BBC-ի
Կարդացեք նաև
