Շվեդիայի ադրբեջանաթուրքական համայնքը խաղաղ բողոքի ակցիա է իրականացրել Սթոքհոլմում տեղակայված Շվեդիայի խորհրդարանի առջև։ Այս մասին տեղեկացնում է թուրքական «Հաբերլեր» լրատվական գործակալությունը։
Բողոքի ակցիայի մասնակիցները իրենց դժգոհությունն են արտահայտել Շվեդիայի խորհրդարանի ընդունած Հայոց ցեղասպանությանը վերաբերվող նախագծի վերաբերյալ։ Բողոքի ակցիայի ավարտին ցուցարարները նամակ են փոխանցել Շվեդիայի խորհրդարանի ղեկավարությանը, որով պահանջել են չեղյալ հայտարարել 2010թ. խորհրդարանի ընդունած նախագիծը։
«Թուրք-շվեդական մտքի և մշակույթի» կազմակերպության նախագահ Նեշե Ֆագնելն իր խոսքում նշել է. «Խորհրդարանում այս նախագիծը ընդունվելուց հետո Շվեդիայի դպրոցներում սկսել են սովորեցնել, որ ցեղասպանություն է եղել։ Մեր երեխաները, գալով տուն, հարցնում են իրենց ծնողներին, թե մարդասպա՞ն ենք մենք արդյոք, արդյոք ցեղասպանե՞լ ենք հայերին։ Մեզ համար և Շվեդիայում ապրող մեզ նման թուրքերի համար ստեղծվել է շատ լուրջ և մեզ պատվազրկող մի իրավիճակ»։
Հիշեցնենք, որ 2010թ. Շվեդիայի խորհրդարանը ճանաչեց Հայոց ցեղասպանությունն ու կոչ արեց կառավարությանը նույնպես ճանաչել այն, սակայն նախկին կառավարությունն այդ ուղղությամբ չձեռնարկեց ոչ մի քայլ, իսկ ահա ներկայիս կառավարությունը խոստացել է մեկ տարվա ընթացքում դիրքորոշում հայտնել հարցի վերաբերյալ։
Կարդացեք նաև
