Ինչպես արդեն տեղեկացրել ենք, մարտի 12-ին Վարդգես Գասպարիի գործով նիստի ընթացքում դատավոր Նելլի Բաղդասարյանը որոշեց այլ պաշտպան նշանակել:
Նա առաջարկել էր Գասպարիին ընտրել այլ պաշտպան, քանի որ պաշտպաններ Գյուրջյանը եւ Հակոբյանը անընդմեջ երեք անգամ չեն մասնակցել դատական նիստերին, իսկ Եգորյանը, ներկայանալով, առանց նախագահող դատավորի թույլտվության լքել է նիստերի դահլիճը: Իսկ իր որոշումը հիմնավորել էր այն հանգամանքով, որ ամբաստանյալը եւ իր պաշտպանները արհեստականորեն խոչընդոտներ են ստեղծում դատաքննությունը խոչընդոտելու համար, ինչը անթույլատրելի է:
Այս մասին Aravot.am-ը զրուցեց Վարդգես Գասպարիի հետ:
«Կամայականության դրսեւորում է, այնպես ինչպես շատ բնագավառներում, այստեղ էլ նույնը: Ուղղակիորեն ցույց են տալիս՝ ինչ ուզում ենք, անում ենք, օրենքը մեր տվյալ պահի քմահաճույքն է: Ես այդպես եմ հասկանում»,- ասաց նա:
Կարդացեք նաև
Ստեղծված իրավիճակում Վարդգես Գասպարին դեռ չի կողմնորոշվել, թե ինչ է պատրաստվում անել, սակայն հստակ է, որ փաստաբաններ Տիգրան Եգորյանից, Դավիթ Գյուրջյանից եւ Լուսինե Հակոբյանից չի հրաժարվելու:
Ամի ՉԻՉԱԿՅԱՆ
