«Հրապարակումների մեծ մասը բամբասանք էր, իսկ մենք բամբասանքները չենք մեկնաբանում»,- «Առավոտի» հետ զրույցում ասաց ՍԴՀԿ ատենապետ Նարեկ Գալստյանը՝ անդրադառնալով հնչակյան «20 կախաղանների» աճյունները Եռաբլուրում վերաթաղելու առիթով ՍԴՀԿ գաղտնի շրջաբերականին, որը հայտնվեց մամուլում: «ՍԴՀԿ-ն ունի այն ներուժը, որ ներկուսակցական խնդիրները լուծում է կուսակցական ժողովների հարթակում:
Մեր ներքին խնդիրները մամուլի համար չեն: Նրանց, ովքեր կփորձեն պղտոր ջրում ձուկ որսալ, անօգուտ, անշնորհակալ հեռանկար է սպասվում»,- ասաց նա: Հարցին` այնուհանդերձ, ինչո՞ւ աճյունների տեղափոխման գործընթացը ստվերում մնաց, մեր զրուցակիցն ասաց. «Մեկնաբանություններ չեմ տալու, դրանք եւս ներկուսակցական քննարկման խնդիրներ են: Ես վստահ եմ, որ ի վերջո՝ մեր նահատակների աճյունները հանգչելու են Հայաստանում` կլինի դա կուսակցության այս, թե մյուս սերնդի հարց, ժամանակը ցույց կտա»:
Զրույցի այլ մանրամասները՝ կարդացեք
«Առավոտ» օրաթերթ
11.03.2016
