Ինչպես տեղեկացրել ենք, դատարանը Վալերի Պերմյակովի գործով վկաների հարցաքննությունն ավարտելուց հետո անցել է փաստաթղթերի հրապարակմանը: Փաստաթղթերը մեկ ընթերցում էր դատավոր Հարություն Մովսիսյանը, մեկ դատախազ Գեւորգ Գեւորգյանը, առաջին հատորն ընթերցելուց հետո դատավորի աչքերը կարմրեցին, նա հոգնածությունից անընդհատ տրորում էր աչքերը:
Դատարանը Ավետիսյանների տանը կատարված սարսափելի տեսարանների լուսանկարները հրապարակելուց հետո աշխատանքային օրվա ավարտին հասավ 4-րդ հատորին: Այն ընթերցում էր դատախազը, որը եւ թարգմանում էին Վալերի Պերմյակովի համար: Սակայն, դատավորը ստիպված եղավ մի քանի րոպե ընդմիջում հայտարարել, քանի որ Վալերի Պերմյակովն իրեն վատ էր զգում. պարզվեց՝ նրա արյան ճնշումն էր բարձրացել, որից ինքնազգացողությունը վատացել էր: Ընդմիջումից հետո դատավորը հայտարարեց, որ Պերմյակովը բժշկական հետազոտություն է անցնում, ու դատական նիստը հետաձգեցին հաջորդ ուրբաթ:
Նունե ԱՐԵՎՇԱՏՅԱՆ
Ոչինչ, ճնշման բարձրացումը դրան վնաս չի տա, բա որ ուրիշները մի տարուց ավելի է շտաբ օգնության բրիգանդներ են կանչում ամեն օր իրա հանցագործության պատճառով, դրան ոնց վերաբերվել,? ինչ էլ փխրուն է Պերմյակովը, կերած-խմած հալին