Ակտիվիստ Վարդգես Գասպարին եւ նրա ներկայացուցիչները` Սերգեյ Գրիգորյանը եւ Տիգրան Եգորյանն այսօր ներկա չգտնվեցին ՀՀ Վարչական դատարանում ժամը 16:30-ին նշանակված դատական նիստին:
Նիստը վարող դատավոր Անի Հարությունյանն ասաց, որ պատասխանող Վարդգես Գասպարիի չներկայանալու պատճառն այն է, որ նա նիստի մասին պատշաճ չի ծանուցվել եւ որ դատարանն էլ նրա` ծանուցված լինելու մասին փաստաթուղթ չունի: Այդ պատճառով էլ դատական նիստի լսումը հետաձգվեց` նշանակվելով մայիսի 12-ին ժամը 16:30-ին:
Հիշեցնենք, որ Վարչական դատարանում քննվում է ոստիկանության հայցն ընդդեմ Վարդգես Գասպարիին վարչական պատասխանատվության ենթարկելու պահանջի մասին: Ակտիվիստ Գասպարին մեղադրվում է ՀՀ ոստիկանության պահանջը չկատարելու մեջ:
Կարդացեք նաև
Aravot.am-ը Վարդգես Գասպարիից հետաքրքրվեց, թե նիստին չներկայանալու պատճառն արդյոք չծանուցված լինելն էր: Պարոն Գասպարին ասաց, որ այդ հարցով նրա պաշտպաններն են զբաղվում, եւ որ նրանք են որոշում գնալ-չգնալը:
Լուսինե ԲՈՒԴԱՂՅԱՆ
երեւի իր փաստաբաններն ալ… պառկած են
lol