ԱԺ էթիկայի հանձնաժողովի այսօր նախատեսված նիստը, որտեղ պետք է քննարկվեր ԱԺ ՀՀԿ խմբակցության պատգամավոր Մհեր Սեդրակյանի վարքը, հետաձգվել է՝ քվորումի բացակայության պատճառով: Այդ մասին լրագրողների հետ զրույցում ասել է Ազգային ժողովի էթիկայի հարցերով հանձնաժողովի նախագահ Խոսրով Հարությունյանը:
Հիշեցնենք, որ «Մեդիա և իրավունք», «Լրագրողների միավորում» և «Ազատ լրագրողների ասոցիացիա» հ/կ-ները խնդրել էին հանձնաժողովին քննել ԱԺ ՀՀԿ խմբակցության պատգամավոր Մհեր Սեդրակյանի պահվածքը: Վերջինս հայհոյել էր լրագրողին:
Նիստը նշանակվել է երեքշաբթի, ժամը 13:30-ին: Խոսրով Հարությունյանը կարծում է, որ կայանալիք նիստում, հարցը, հավանաբար վարույթ կընդունվի. մերժման հիմքեր չկան: Քննարկումներին հրավիրվելու են նաև դիմում ներկայացրած կազմակերպությունների ղեկավարները:
Նելլի ԳՐԻԳՈՐՅԱՆ
Կարդացեք նաև
