«Տաքսու ոլորտում, ըստ իմ դիտարկումների, սկսած 2006 թվականից, երբ որ առաջին անգամ մտցվեց լիցենզավորման կարգ եւ պահանջվեց, որ տաքսին լինի լիցենզավորված, այդ օրվանից ի վեր հենց որ լիցենզավորման նորմալ գործընթաց է, ընթանում, սկսվում են ցնցումներ, տաքսու վարորդների բողոքներ, որոնք բերում են քայքայման գործընթացի»,- մարտի 9-ին «Նոյյան տապան» մամուլի ակումբում լրագրողների հետ հանդիպման ընթացքում ասաց Հայաստանի տաքսի ծառայությունների գործատուների ճյուղային միության նախագահ Վահագն Սահակյանը:
Նա նշեց, որ համարում է, որ լիցենզավորումը ոչ միայն պետք է պարտադիր լինի եւ շարունակվի, այլ նաեւ հետագայում այն պետք է խստացվի, այդ թվում նաեւ տաքսու լիցենզիաների քանակի սահմանափակում լինի, սակագինի ֆիքսում գոնե Երեւանում. «Լիցենզավորումը ոչ թե վարորդից գումարներ շորթելու միջոց է, այլ որպեսզի դաշտը լինի վերահսկվող, դաշտը լինի կարգավորված եւ ամեն ոք, ով կօգտվի տաքսիից հստակ իմանա, որ ղեկին նստած է պրոֆեսիոնալ եւ ինքը ապահով կարող է տեղ հասնել: Տաքսին, իհարկե՛, ամբողջ աշխարհում ճոխության միջոց է, բայց մեր երկրում, քանի որ տրանսպորտը որոշ տեղերում կաղում է, գնի եւ որակի համադրության պայմաններում վերածվել է հասարակական տրանսպորտի, դրա համար էլ այդքան ցավոտ է այդ հարցը մեր ազգաբնակչության համար: Կհորդորեմ մարդկանց, որոնք սովորել են բողոքել տաքսի ծառայության որակից, ուղղակի չօգտվել այն տաքսի ծառայությունից, որն իր ծառայությունները լավ չի մատուցում»:
Վահագն Սահակյանը, սակայն, ընդգծեց, որ տաքսիները ավելի քիչ են հայտնվում կիլոմետրից կախված վթարների մեջ. «Ամենագովելին՝ տաքսիների պատճառով եւ տաքսիների վթարներից մարմնականով ավարտները շատ քիչ տեղ են զբաղեցնում մնացածի նկատմամբ: Սա ես ասում եմ ի գովեստ տաքսի ծառայության եւ փչացնել նման ոլորտը, ուղղակի կլինի անհեթեթ: Կարծում եմ՝ ընդհակառակը՝ պետք է քայլեր ձեռնարկել, որ ավելի լավանա»:
Կարդացեք նաև
Ամի ՉԻՉԱԿՅԱՆ
