Լատվիայի մայրաքաղաքի «Արենա Ռիգա» մարզահամալիրում երկրորդ օրն ընթացող ըմբշամարտի Եվրոպայի առաջնությունում քիչ հետո մրցագորգը կտրամադրվի ազատ ոճայինների 65 եւ 97 կգ քաշային ըմբիշներին:
Հայաստանն այսօր ներկայացուցիչ ունի միայն 97 կգ քաշային կարգում՝ Անդրանիկ Գալստյանը: Մեր ազատ ոճի ըմբշամարտի հավաքականի գլխավոր մարզիչ Արայիկ Բաղդադյանն իր օգնականների հետ նպատակահարմար է գտել, որպեսզի 65 կգ քաշային, աշխարհի նախկին չեմպիոն Դավիթ Սաֆարյանը, որը դեռ պետք է հանդես գա օլիմպիական վարկանիշային մրցաշարերում, Եվրոպայի այս առաջնությանը մասնակցի մեկ կարգ ավելի բարձր՝ 70 կգ քաշային կարգում: Իսկ երիտասարդ Անդրանիկ Գալստյանը, որը մեծահասակների մեջ մրցափորձի պակաս ունի, 1/8 եզրափակչում մեկնարկելու է Թուրքիայի ներկայացուցիչ Ֆարիխ Յասարլիի հետ գոտեմարտով:
Աշոտ ՀԱԿՈԲՅԱՆ
