Սերժ Սարգսյանի պաշտոնավարման 8 տարիների ընթացքում Հայաստանի պետական պարտքն ավելացել է ահռելի տեմպերով, եւ հիմա այն հատել է 5 մլրդ դոլարի սահմանագիծը՝ մոտենալով ռիսկային համարվող ՀՆԱ 50 տոկոսին։ Եթե 2007թ. դեկտեմբերի 31-ին ՀՀ արտաքին պարտքը 1 մլրդ 448 մլն 905 հազար ԱՄՆ դոլար էր, ապա 2015թ. դեկտեմբերի 31-ի դրությամբ ՀՀ պետական պարտքը դարձել 15 մլրդ 78,7 մլն դոլար (իսկ արդեն այս տարվա մարտի 1-ի դրությամբ ՀՀ պետական պարտքը կազմել է 5 մլրդ 120,4 մլն դոլար)։
Հայաստանի պետական պարտքի ավելացման տեմպերին օրերս անդրադարձել է Համաշխարհային բանկը «Հայաստան. ամենամսյա տեղեկագրում»։ Ըստ այդմ. «Հարկաբյուջետային դեֆիցիտը, որը կազմեց ՀՆԱ–ի 4 տոկոսը, հիմնականում ֆինանսավորվեց արտաքին պարտքի միջոցով, այդ թվում՝ եվրոբոնդեր եւ բյուջետային աջակցություն ԵՏՄ հակաճգնաժամային հիմնադրամից եւ Համաշխարհային բանկից, ինչն էլ հանգեցրեց ՀՆԱ-ի նկատմամբ պետական պարտքի 48 տոկոս մակարդակի»։
Նկատենք, միանգամայն նորմալ երեւույթ է, երբ պետությունը որեւէ այլ երկրից կամ միջազգային կառույցներից պարտք է վերցնում։ Բայց սա նորմալ է, եթե վերցված գումարները ներդրվում են տնտեսության մեջ եւ օգտագործվում ըստ նպատակի։ Ինքներդ եք հասկանում՝ եթե այդ գումարներով իրականացվում են մեծ եկամուտներ բերող ծրագրեր, ապա երկիրը հնարավորություն է ունենում մի կողմից փակել պարտքը, մյուս կողմից՝ զարգանալ։
Մինչդեռ Հայաստանում Սերժ Սարգսյանի իշխանությունը պետական պարտք կուտակել է ընդամենը տնտեսության գոյությունը քարշ տալու, երկրում թվացյալ կայունություն պահպանելու, փլուզումները կանխելու, բյուջեի դեֆիցիտը փակելու, եւ այդպես հասարակական դժգոհությունները հնարավորինս մեղմելու համար։
Կարդացեք նաև
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
