Անազատության մեջ գտնվող ուկրաինացի օդաչու Նադյա Սավչենկոյի մարտի 8-ը այսօր մի խումբ ակտիվիստներ շնորհավորեցին Հայաստանում Ռուսաստանի դեսպանատան առջեւ: Նրանք ուկրաինական դրոշն ու Նադյայի լուսանկարը ձեռքներին պահանջում էին ազատ արձակել նրան:
Հիշեցնենք, որ անցած տարվա հուլիսից Մոսկվայի «Մատրոսսկայա տիշինա» բանտում պահվող ուկրաինական ռազմաօդային ուժերի օդաչու Նադյա Սավչենկոն մեղադրվում է ռուսաստանցի երկու լրագրողի սպանության մեջ:
«Մարտի 8-ը ոչ միայն կանանց իրավունքների, այլեւ կանանց իրավունքների պայքարին համերաշխություն հայտնելու օր է: Այսօր ամբողջ աշխարհի աչքի առջեւ խիզախ կին, հայրենասեր ազատամարտիկ, Ուկրաինայի սպա Նադյա Սավչենկոն դատվում է խայտառակ պայմաններում` անհեթեթ մեղադրանքով: Կարծում եմ, որ ցանկացած երկրի ազգային ազատագրական պայքարի մասնակիցները պետք է գիտակցեն համերաշխության կարեւորությունը, եւ կոչ եմ անում գիտակից մարդկանց արտահայտել իրենց համերաշխությունը եւ այսպես շնորհավորել Նադյային»,- դեսպանատան առջեւ ասաց ռեժիսոր Տիգրան Խզմալյանը:
Հարցին, թե ինչ հիմնավորումներ ունի արդարացնելու Նադյա Սավչենկոյին, Տիգրան Խզմալյանն ասաց. «Պատկերացրեք, եթե Հայաստանի տարածքում ադրբեջանցիների դիվերսիոն խումբն առեւանգի հայ սպայի, տանի Ադրբեջան ու դատի հայրենիքը պաշտպանելու համար, դա նույնն է, ինչ արվել է Նադյայի հետ»:
Կարդացեք նաև
Մանրամասները շուտով տեսանյութում
Արփինե ՍԻՄՈՆՅԱՆ
Սավչենկոյի նկարն ընչի է առել ցցվել էդտեղ?Գասպարիի կամ էլ Շանթի նկարն առ ու կանգնի մեր դատախազության դուռը:….թուրքերին հարցազրույց գնա տուր:դա քո մոտ լավ է ստացվում:
Առավոտին խորհուրդ կտամ մտնի ՖԲ եւ տեսնի ինչեր է գրում ժողովուրդը այս էժանագին եւ անշուշտ պատվերով «գովազդի» համար:Ցավում եմ,բայց արդեն կասկած չկա,թե ում է ծառայում «Առավոտ»ը…
Պրն Ասլանյան, Ձեզ էլ խորհուրդ կտայինք կարդալ սա: https://www.aravot.am/2016/03/11/666084/